Ta pa algun ora caba cu polis tabata buscando e homber, Wilson Richard, relaciona cu maltrato y ladronicia. Diabierna marduga alrededor di 3:00 am e homber di fam Richard a agredi su pareha malamente den e area di Ritz Carlton Hotel.
Tin tur indicacion cu e pareha a entrega keho contra di dje. No a dura mucho prome cu polis a pone man riba dje. A señal’e den un auto estilo RHD den Louise De Colignystraat na San Nicolas, cual ta keda den e caya patras di Springfield Supermarket cerca di Carnival and Entertainment Village.
A deten’e y transport’e pa ward’i polis, lo present’e dilanti un subfiscal caminda; e tin di duna cuenta di su acto. Pa awo, e dama por ta trankilo y sin tin temor cu e homber, Wilson Richard ta busc’e pa agredi. Tras di trali ta caminda cu tipo di abusado nan asina ta pertenece di ta.
