Riba diahuebs 7 di juli 2022, Burger King a habri un localidad totalmente nobo den e area di Santa Cruz. Burger King Santa Cruz, un soño di Director di Burger King Aruba, señor Jerry Kock, a bira realidad.
Den presencia di prensa local y empleadonan di Burger King, Johana Jacobs na nomber di Management di Burger King Aruba a gradici tur hende pa nan precencia y habri oficialmente e localidad nobo di Burger King Aruba pa publico. Na mes monento a gradici tur e fiel clientenan di Paradera pa tur e añanan di sosten y di e forma aki a anuncia cu e localidad di Paradera a wordo cera oficialmente.
Santa Cruz ta un localidad hopi central na nos isla, cual a crece hopi den e ultimo añanan y pa Burger King ta honor pa ta parti di e bario aki. For di fin di aña 2019 Burger King a wordo adkiri pa un comerciante diferente cu tambe ta local y tabata tin e gana di hiba Burger King na su siguiente nivel. Asina el a logra di renoba e localidad di San Nicolas, habri un localidad nobo mas accesibel na Playa y awor a logra di habri un localidad, mas central y amplio na Santa Cruz.
Burger King Santa Cruz tin un espacio pa 124 hende por sinta come y disfruta di e menu extenso di Burger King, di cual 100 por sinta paden y 24 por sinta den e veranda. E drive thru ta haci’e hopi facil pa e cliente y ta na un manera cu no lo ta un molester pa e trafico cu ta pasa. Pa completa, Burger King Santa Cruz tin un playground grandisimo pa e muchanan por disfruta, mientras cu e mayornan ta haya un delicioso cuminda traha Your Way!
Di parti di e management team di Burger King masha danki Aruba pa e sosten y sin duda sostene un comerciante local cu ta yuda e economia local sigui crece. Nos kier a invita pueblo di Aruba pa pasa na Burger King Santa Cruz y disfruta di e dushi menu. Tambe ta bisa tur hende pa keda pendiente pa e fiesta pa celebra Santa Cruz y su Burger King nobo. Pa tur informacion ta bon pa sigui Burger King Aruba riba Facebook, Instagram y sin lubida nos Tik Tok.
