Bucuti & Tara Beach Resort, Aruba orguyosamente ta honra su asociadonan dedica door di conmemora nan añanan di servicio variando di 5 te cu mas di 25 aña di excelencia den servicio. E celebracion aki ta refleha e lealtad y compromiso di Bucuti & Tara su Asociadonan y ta subraya e reputacion di e hotel como un luga di trabou excepcional.
Ariba dialuna dia 5 di februari, durante e reunion general anual cu tur asociado, Bucuti & Tara a reconoce 56 asociado den celebracion di nan aña di servicio. Di e grupo aki, 22 asociado a marca nan di 5 aña, 17 asociado a alcansa nan di 10 aña, 11 asociado a celebra 15 aña, 4 asociado a celebra 20 aña y 2 asociado a celebra 25 aña di empleo. Di e grupo aki, 61% di esnan reconoci tabata celebrando 10 aña of mas cu e hotel No. 1 di Aruba.
Cu gratitud profundo y respet pa nan dedicacion, logro y añanan di servicio excelente, a celebra e siguiente aniversarionan:
5 aña: Elston Cilie, Angela Pochettino, Natasha Chambers, Mayra Tromp-Ras, Lorna Edwards, Karen Cousins, Simone van Bokhoven, Jose Luis Leanez, Johnny Chan, Marie Noncent, Mitchell Goeldjar, Yolanda Reyes, Bluette Ball, Juan Vasquez, Acecilia William Pierre, Manuel Paula Salado, Ruth Andrade, Hansraj Dyal, Vincent Croes, Carlos Zuleta Restrepo, Rik van de Berg, Ignacio Ortiz Galeano
10 aña: Robert Doyley, Orville Dufus, Mirna Maduro, Georgia Golding-Brown, Adelaida Ventura-Figaroa, Oslin Wolff, Brooke Banton-Diaz, Rigueuse Etienne, Alexandra Mardi, Gregorio Villones, Christan Garcia, Maria Araujo-Ramirez, Madeline Gower-Fernandez, Luz Arenas-Osorio, Francisco Santana Navarro, Arlyne Thode, Maria de los Santos
15 aña: Marie Celie Gabriel-Jean Baptiste, Charmante Rempart, Dherik Faria, Solanges van der Linden, Nakarid Ochoa, Eric Davelaar, Jasmine Miller, Aldrick Pontilius, Beverley Reed, Marjorie de Windt, Janice Smart
20 aña: Esmaral Bonner, Brendolyn Bennett, Anel Villafana-Molina, Marguerita Doyley
25 aña: Nancy Bolano, Leoneda Tejeda
Bucuti & Tara ta emplea 150 asociadonan cu ta cuida su huespednan exigente na e propiedad di 104 camber. Di esnan, e promedio di empleo ta mas cu cinco aña. E dedicacion aki ta ilustra un consistencia cu ta wordo recompensa cu e premionan y certificacionnan mas halto mundialmente, un porcentahe halto di huespednan cu ta regresa y e demanda halto continuo pa reservacionnan manera ta comproba door di e ocupacion consistente di 97% henter aña di e hotel.
“Pa ta e miho hotel di Aruba, y Tripadvisor su No. 1 Hotel den Caribe y No. 18 den Mundo, e asociadonan di Bucuti ta crucial y ta para central pa Bucuti & Tara Beach Resort. Nan dedicacion y pasion ta instrumental y a contribui na nos exito y logronan atrabes di e añanan,” segun Ewald Biemans, Doño/CEO di Bucuti & Tara Beach Resort. “Mientras cu nos ta celebra e aniversarionan aki, nos ta refleha tambe riba e balornan cu ta haci nos hotel un luga ideal pa traha – integridad, respet, excelencia, y un compromiso comparti pa sostenibilidad.”
Un luga di empleo dedica na excelencia
Bucuti & Tara ta ofrece mas cu solamente un luga di empleo; e ta promove un ambiente di desaroyo unda empleadonan ta wordo balora, aprecia, y ta haya oportunidad pa crece tanto personal como profesionalmente. Cu un compromiso pa sostenibilidad, comunidad, y pa brinda huespednan cu experiencianan sin igual, Bucuti & Tara ta cultiva un cultura di excelencia y inclusividad.
Como e prome y unico hotel certifica carbon-neutral den Caribe, e hotel ta adopta un enfoke holistico den cuido di su asociadonan tanto personal como profesionalmente. Bucuti & Tara como un compañia local ta orguyoso di emplea Arubianonan y talentonan local na prome luga y ta ofrece pakete di compensacion comprehensivo.
Ademas di ta un propiedad trankilo y exclusivamente pa adulto, situa ariba e beach mas conoci den Caribe y ta un di hotelnan mas renombra den clasificacion mundial, paketenan di compensacion comprensivo ta inclui beneficionan manera; salarionan atractivo, un siman di trabou di 5 dia, 7.5 ora pa dia, te cu 27 dia di vakantie pa aña, varios oportunidad pa bonus y incentiva, seguro di pension, seguro di salud, bista y dentista y seguro di bida, programa di bienestar di asociado cu ta inclui miembresia na gymnan local , descuento na Tara Eco Supplies, y un supermercado renombra, y ta curasha asociadonan pa spaar y ta inverti den sostenibilidad cu green loans pa por ehempel panelnan solar, medio di transportacion electronico y inverter.
E trankilidad na trabou, e relacionnan cu coleganan ta crea cu otro y cu huespednan repetitivo y e hecho cu Bucuti & Tara ta un negoshi independiente cu ta wordo maneha pa un solo doño local cu ta inverti no solamente den e negoshi pero masbien den su Asociadonan tambe, ta haci cu asociadonan ta destaca den nan carera na Bucuti & Tara.
Bo tambe ta interesa pa engrandece bo carera? Explora bo oportunidadnan pa cu bo carera na Bucuti & Tara! Pa mas informacion y aplicacion online bishita www.bucuti.com/careers of pasa personalmente na nos departamento di Recurso Humano.
