Recientemente e studiantenan di Universidad di Aruba ta organisando varios evento pa recauda fondo pa un instancia, organisacion of fundacion di nan escogencia como parti di nan curiculo na universidad. E biaha aki un grupo di studiante a organisa un evento yama “Brighter Neon Party”. Esaki ta un fundraising event pa sostene Brighter Future Center for Autism y lo tuma luga dia 29 di April di 6:30 pm pa 12:00 am na Hoya. Brighter Future ta un centro cu ta duna terapia pa mucha nan cu autismo di 2 pa 12 aña. Nan ta yuda den diferente aspecto manera “communication skills, anger management, hypnosis y tambe motor skills.” Mediante e evento aki e studiantenan ta bay recauda fondo cu benta di tickets. Tur e placa recauda ta bay pa loke Brighter Future Center tin mester.
Tres studiante di Universidad di Aruba di e facultad di hospitality y turismo, Gabriela Joven, Nichelle Croes y Marielisa Garcia a organisa esaki y ta conta cu boso sosten.
Segun e studiantenan, nan a opta pa haci un Neon Party cu e nomber Brighter door cu e centro su nomber tambe ta Brighter. Asina a dicidi di haci un evento colorido y alegre pa atrae hende y nan aporta pa por yuda e muchanan di e centro aki. Tambe a opta p’e concepto colorido ta pa yuda haci e futuro di e muchanan cu autismo na Brighter Future mas colorido.
E evento lo conta cu
· 5 DJs (Bradley fonseca, Kash, Spike, Devin, Tinieblas també conoci mane Petit)
· Dancers (2 grupo)
· Box di donation
E ticket ta costa 25 Florin y lo ta obtenibel n’e siguiente puntonan di benta:
· Hoya
· Marhaba
· Tostao
· Of via DM di social media (instagram) @Brighterneonparty
· Tambe por cumpra esaki na entrada
Cu e ticket cada persona lo haya
· 1 Complimentary drink
· Y lo participa pa gana 1 di e 6 premio, esun mas grandi ta un weekend stay na La Cabana pa 4 persona.
Asina e studiantenan ta invita tur hende pa pasa un rato amento n’e evento y aporta na un bon causa. Si acaso bo persona no kier participa den e evento, pero si kier aporta, tin posibilidad di haci donacion pa Brighter Future Center.
Pa mas informacion por tuma contacto riba red social:
Facebook: Brighter Neon Party
Instagram: Brighter Neon Party
Of cu e studiantenan: Gabriela Joven, Nichelle Croes y Marielisa Garcia.