Best of the Best Truescore Aruba 2023 a bira e evento di taekwondo di aña despues di Covid cu a hala hopi atencion internacional. Merca, Corsou y Surnam a bin bek despues di Covid y a comenta cu e nivel di e bringadonan di Aruba a subi hopi.
Antwaun Wilson di USA Taekwondo a bisa cu pa aña 2024 su team for di Merca ta bay ta mas grandi. Arty Lie di Surnam a bin cu binti bringado pa Best of the Best 2023, pero a cuminsa canta caba cu pa aña 2024 su team ta bay ta mas grandi y por conta cu Frans Guyana lo bin Aruba bek. Hopi hende por a sigui tur e peleanan via lifestream y a haci cu nan gana pa bringa y bin Aruba ta halto.
Presidente di Brazil Taekwondo Stichting a gradici tur hende cu a aporta na Best of the Best Truescore Aruba 2023. Brazil Taekwondo Stichting ta bay sigui cu e plan di 2023 te cu december pa despues cuminsa cu e plan di 2024 y Korea ta e plan principal.
