Den e caso di un horcan, Brandweer ta tuma e liderasgo completo pa e parti di salba bida di hende.
Despues ta haya e parti di Cuerpo Policial cu ta percura pa e orden publico. Tur hende ta conoci cu semper den un horcan, tin loothing na ordo di dia. Tabata tin basta scenario cu Cuerpo Policial a train. Rino Hermans, hefe di Rampen Bureau a splica con e situacion ta realmente. Despues tin e parti di duna asistencia medico, caminda cu tabata tin tur ambulance. Na Aruba den e Hurex 2018 tabata tin basta training uno tras di otro. Hasta tabata tin un avion cu a cay den e scenario, pa por a train massa casualty.
Y tabata tin e parti di ricibi e hendenan ora cu nan a perde nan cas na un shelter. A train tres shelter, cual tabata bao direccion di Sociale Zaken.
DOW tabata tin e parti di sostene tur e instancianan aki.
Tabata tin den e prome fase cu ATA, tabata tin pa evacua 14800 turista for di Aruba pa motibo di e horcan. Esey tambe a train, cuanto lo a dura y tambe cuanto tabata e material of tambe e plannan cu tin mester. Con ta zet in, cuanto transporte tin mester. A train hopi amplio pa por a haya un miho bista con bon prepara, con zwak nos ta y basa riba esey ta bay skirbi y coregi loke mester wordo coregi den e plan.
Entrenamento
Despues di un training grandi asina, Rampenbureau tin 90 dia pa evalua y bin cu recomendacion. Ora cu Rampenbureau ta cla cu su rapport, e ta bay na e dienstnan y si e dienstnan tin pa adapta of ta di acuerdo cun’e, e ora ta bay traha e verbeterd trayect. E siguiente training, ta bay evalua loke cu a coregi. Practicamente por bisa cu tin un aña pa drecha loke ta zwak den e training aki. Pa otro aña Mei, tur hende mester sa di e trayecto coregi cu nan a cana hunto.
Asistencia adicional
Partner principal tabata Defensie di Reino. Door cu nan lo ta e instancia mas cerca cu lo pidi asistencia di biaha. Entre otro tambe, nan tabata tin US Aid cu tabata di bishita na Aruba pa mira e plannan pa loke ta horcan, ki tipo di asistencia nan por duna. A asinta discuti cu nan, mustranan e plan y si mester pidi asistencia ki tipo di asistencia nan por duna.
No solamente cu e ta local, pero internacional tambe tin bista con e islanan den Caribe ta prepara pa un calamidad manera un horcan.
Cuanto hende
Por lo menos tabata tin 600 persona cu a participa den e entrenamento aki segun Rino Hermans di Rampenbureau.
