A detene un chauffeur na Pos Chikito. Segun por a compronde e persona aki lo tabatin basta rato ta core malo riba caminda grandi.
Esaki a sosode den careda di 10:00 pm, ora cu patruya a bin top’e na Pos Chikito Rum Shop. A constata cu e persona en berdad ta bou influencia y mesora a pone boei na man.
E tabata na stuur di un KIA Rio color blau (A-61573) cu tambe nan a bin haya na e sitio. Nan a pidi e transporwagen cu despues di un rato a hib’e warda di polis pa finalisa e procedura.