Diahuebs atardi a bati alarma na Polis cu tin dos turista cu mester yudansa urgente den lama. Nan a huur un waverunner y na dado momento a cay. E waverunner a bay laganan. Di tera a bati alarma. Polisnan cu a yega for di tera a mira e situacion. E momento ey ainda tabata evaluando pa saca boto di Polis.
Cada biaha e turistanan tabata bay mas afo. E compania di watersport mes no a reacciona pa yuda. Parce nan no tabata sa mes. Paul Faas di One Fool and Boat ta esun cu a mira of a ser avisa y a sali mesora cu su boto. A logra saca ambos turista for di lama y hibanan tera despues di un susto. Despues di tur esey e watersport a reacciona.
Nan a sali mas bien pa purba busca nan waverunner cu a keda drief bay afo. E compania di Paul Faas mes tin tres aña wardandl riba un decision of un firma di gobierno pa cu nan operacion. Awor por mira claramente cu ta danki na Paul Faas y su boto a salba dos bida den e lama pabou di Casa Del Mar cu Bucuti Tiara. Turistanan a keda contento cu e rescate. Polis a atende cu nan tambe ora cu a yega tera. Ora a rescata e dos turistanan, ya caba e waverunner tabata como 400 meter for di nan.
