Diahuebs atardi, den careda di 4:00 pm, a sosode un accidente na Eagle Beach caminda cu a bati alarma pa un accidente basta serio riba lama, cacimda un persona a resulta herida y consecuentemente a kibra su pia.
Ambulance a presenta na e sitio pa atende cu e persona cu tabata seriamente herida. Polis tambe a presenta p’asina haci e investigacionnan necesario. Segun testigo na sitio, tabata trata di un famia riba jetski caminda un mama cu yiu tabata riba un y e otro yiu riba un otro. Den algun maniobra haci, e yiu lo a bay dal den e ski di e mama y desafortunadamente a kibra su pia den e impacto.
Riba e beach tin varios recreaccion acuatico, manera boto, tube, seadoo, etc., caminda algo a bay robes, cu e consecuencia ya conoci, unda cu un persona a resulta herida.
Ambulance a hiba e victima hospital p’asina haya tratamento medico avansa.
Tin di menciona cu e situacion di deporte acuatico ta keda algo delicado, mirando cu ora polis cuminsa controla p’e vergunningnan necesario riba e companianan acuatico, ta rabia y keha dicon nan ta tira control.
