Diabierna 4 di december 2020 pueblo por tabata testigo di un pantomina den un pandemia, na unda un
biaha mas parlamentarionan na prome instancia ta acusa otro di tur tipo di corupcion, mal gobernacion y ladron pa na final yega na un “happy ending “! Pueblo lo a custumbra cu e comportacion infantil aki,
pero no ta realisa kico ta realmente e consecuencia pa nos pais y pa pueblo.
Esaki ta loke e politico Booshi Wever ta bisa den un declaracion pa prensa. Den e declaracion aki e ta cuestiona e forma con a aproba e cuentanan anual di Aruba, cu a wordo cuestiona CAft. Den e declaracion e ta cuestiona con real e datonan of cifranan cu ta aparece ta. Asina por ehempel, por mira cu cuenta anual a sigui crece den 2018 toch. “Riba kende ta bay tira e culpa awo,” e ta puntra.
Mirando con e situacion aki a desaroya e ta saca su conclusion. “Aki cualkier mucha chikito mester por saca afo cu tin un “cover up” formal a tuma luga! Den e mundo di mafia ta yama esaki “OMERTA”, pues bo no ta “basha abou” riba otro.”
Den e comunicado cu ta compaña e articulo aki, por lesa e contenido completo di declaracion di Booshi Wever, lider di UPP.