Entrante 3 di april 2023 por reanuda trafico maritimo cu Venezuela pa medio di permit importacion di berdura, fruta y material di construccion conforme e condicionnan
Dia 31 di januari 2023 e di tres consulta tecnico entre Reino Hulandes y Venezuela a tuma luga. Entidad Publico Boneiro, hunto cu Aruba, Corsou y Hulanda, a forma parti di e delegacion di Reino.
Dia 19 di februari 2019 Venezuela unilateralmente a cera frontera cu e islanan ABC y un biaha mas a cera espacio aereo te 30 di april 2023. Entidad Publico Boneiro ta dispuesto pa acepta e proposicion di Venezuela pa yega na un reapertura di frontera den fase.
For di 3 di april 2023 por reanuda trafico maritimo cu Venezuela pa medio di permit importacion di berdura, fruta y material di construccion conforme e condicion-, exigencia- y proceduranan existente y dependiente di e estado operacional di e companianan maritimo y e hafnan di salida Venezolano.
Haciendo asina Colegio Ehecutivo ta spera di baha costo di bida mas tanto ainda. Despues lo wak otro trafico maritimo tambe y reanudacion di trafico aereo.
