Tin hopi trabao cu tin cu haci ainda na Scol Cacique Macuarima, despues di e candela feroz cu a tuma luga dialuna marduga. Segun Bombero Pedro Werleman a menciona, un colega a tuma contacto cun’e diaranson atardi y a bis’e cu nan kier cera un grupo chikito pa bin yuda na e scol.
A pensa un tiki mas leu y a dicidi di aserca e grupo nobo di Bombero pa duna un man y siña cu mester duna semper algo bek na comunidad. Diahuebs mainta 8’or e grupo a topa y mesora a pone man na obra pa haci e lokaalnan afecta limpi.
Ta trata aki di mas of menos 20 pa 25 Bombero a bin yuda. Den dos ora y mey pa tres ora por a haci e luga limpi.
A haya cooperacion di gerencia pa haci uzo di un ekipo di Brandweer den e trabounan di limpiesa. Despues di a recoge tur cos, a a basha awa pa deshaci di tur resto di material p’asina por cuminsa mas lihe cu e trabou di renobacion.
E localnan kima
Werleman a agrega cu ta wardando seguro y unabes nan ta cla cu nan trabao, si mester di Bomberonan un biaha mas, nan lo t’ey pa duna un man. Nan ta haya esaki bunita pa yuda e muchanan.
Ta gradici e coleganan pa e iniciativa cu nan a tuma pa bin yuda na e scol.
Tabata tin tres local cu mester a haci nan full limpi. Tur cos a keda destrui, sea pa e candela, huma of awa, Werleman a bisa por ultimo.
