Diamars atardi, alrededor di 4:10 pm, a sosode un accidente cu herido riba e caminda di Piedra Plat. E accidente a sosode na altura di Jon Tai Hardware store. Tabatin dos auto envolvi, ambos ta color blanco. Un di e autonan ta marca Kia modelo Rio, mientras e otro ta marca Honda modelo Civic.
Con e accidente a sosode exactamente no ta conoci. Un cos ta sigur, por lo menos un persona a resulta herida pa cual ambulance a presenta na sitio pa brind’e atencion medico. Na final a transporta e victima pa hospital p’e ricibi atencion medico mucho mas avansa.
Daño material tabata basta. E impacto tabata asina fuerte cu hasta bateria di e auto a sali. E airbag di Civic tambe a sali por completo. Polis di trafico a presenta p’asina documenta e accidente aki.
