Updated: Dialuna marduga durante control regular di Polis den careda di 1’or, ta normal cu Polis ta pasa controla mayoria club nocturno y bar si nan ta cumpli cu e orario di cera. Den e caso aki, gran parti tin “vergunning” pa keda habri te cu 1’or di marduga den siman y 3’or den weekend.
Otro tin “vergunning” pa keda habri te cu 3’or den siman y 6 of 5’or den weekend. Tur cos ta depende di e tipo di permiso cu e negoshi tin. E biaha aki tabata algo no usual a pasa cu e dicho club, mirando cu semper nan ta coopera cu Polis. Despues di e prome bishita regular na e dicho club, tabata necesario pa Polis pasa atrobe.
Mas o menos un ora despues, pues den careda di 2’or di marduga, Polis a pasa y a encontra cu e club habri ainda. Varios movecion pafo y paden di e club. Cu asistencia di mas unidadnan policial, a traha un ‘Proces Verbaal’ na e club pa no cumpli cu su permiso. Mesora tur hende a sali for di e club y fiesta a caba. Ministerio Publico lo dicidi si e establicimento lo haya un boet of no.
