“Di parti di gerencia y empleadonan di WEB Aruba, ta ofrece disculpa pa e inconveniencia causa pa e blackout di 21 di januari”, asina Asha Dongen, vocero di nos compania nacional di produccion di awa y coriente a inicia su relato di prensa. E compania estatal ta consciente di e daño y inconveniencia cu e ta causa regularmente na nos comunidad, su clientenan obliga, debi na nan posicion monopolistico.
WEB a splica cu e fayo a presenta exactamente pa 7:00 am. Despues di un ora y binti minuut a constata e fayo, a corigie y a cuminsa suministra coriente pocopoco bek na NV ELMAR. Den tres ora y mey, henter Aruba tabatin coriente atrobe.
![](https://24ora.com/wp-content/uploads/2024/01/WhatsApp-Image-2024-01-21-at-11.42.01_7529e6c2.jpg)
“Gerencia tin comprension pa e iritacion causa cu e interupcion aki y hunto cu su empleadonan ta sigui haci su best pa limita e cantidadnan di blackout”, di acuerdo cu Asja Dongen di WEB Aruba NV.