Durante e temporada di toque de queda, bomberonan tabata basta ocupa cu pagament’i candela, tin ora na e mesun sitio. Mayoria biaha ta na e tereno bashi entre e casnan di pueblo na Sero Patrishi cu Watty Vos Boulevard. Diabierna, den oranan di anochi, band’i 11:20 pm, a tuma nota di un candela di mondi grandi n’e mesun sitio menciona.
Bomberonan a presenta den un rat’i ora pa combati e candela grandi ‘ki. E candela tabata expande lihe. Danki Dios e no tabata menasa ningun cas den e area. No ta conoci si e candela ta intencionalmente cendi of no. Bomberonan a logra combatie den un rat’i ora.
