Segun resumen di awe binticuater persona a recupera y un total di bintinuebe caso nobo di COVID-19 a keda registra. Di esakinan, diestres ta no-residente. E cifranan aki ta representa un ‘Positivity rate’ bou di nos residentenan di 21%.
Pa awe, e cantidad di casonan activo di COVID-19 ta 264 y e cantidad di fayecidonan relaciona cu COVID-19 ta 180. Data ta ilustra e casonan nobo di COVID cu un averahe semanal di 29 caso pa dia y un averahe di ‘positivity rate’ semanal di 17% pa dia.
Actualmente na Aruba tin 7 persona interna debi na COVID di cual den ICU tin 3 persona y riba piso general tin 4. Na Colombia tin actualmente 6 persona den ICU y niun (0) riba piso general.
