E actual miembro di parlamento y alabes ex-minister di Gabinete Mike Eman I y II no por caba di compronde e maneho di minister-president Evelyn Wever-Croes. E tabatin critica riba e echo cu Minister Guilfred Besaril ta hayando un trato preferencial, aunke e ta bou di investigacion pa su maneho financiero na Arubahuis.
Parlamentario Sevinger a enfatisa cu si compara e caso di Besaril y esun di Liesje Khemlani, secretaria na Parlamento di Aruba, cu mesora a mand’e cas y prohibi su entrada den e edificio. Esey pasobra a cuminsa un investigacion contra dje, cu de facto, segun parlamentario Sevinger, nunca a ni cuminsa.
Pero, den e caso di minister Besaril, ta nota cu trahadonan di e departamento di finansa di Arubahuis a bati alarma na Prome Minister, cu na su turno a instrui CAD y DRA pa conduci un investigacion interno.
