Diamars mainta Benny Sevinger a presenta na Ministerio Publico pa entrega un carta cu el a skirbi pa Procurador General relaciona c’un denuncia cu su persona a entrega contra di Evelyn Wever-Croes.
Sevinger a bisa cu e ta para na Ministerio Publico c’un sentimento mixto. Esaki ta door cu Ministerio Publico no ta a caminda unda cu mester bay pa reclama pa bo derechonan, pero esaki mester sosode automaticamente. Pero si bo ta sinti cu ta viola bo derechonan, no tin otro opcion di bay Ministerio Publico.
Dia 26 di mei, riba dia di su detencion y durante su interogacion, el a bisa e polisnan cu e tin un file pa entrega, basa riba loke nan ta investigando y cu ta culp’e di dje. E ta basa riba Evelyn Wever-Croes. El a bisa e recherchenan cu e ta haci denuncia y fiscal Gerretschen, durante prolongacion di Sevinger, el a bisa hues-comisario cu si el a haya e dossier y cu ta tuma esaki na serio.
