E ekipo special di recherchenan cu ta investiga bendemento di droga na cas, a haci dos inval awe. E prome tabata na Rooi Koochi y atardi na Sero Alejandro # 10 na Savaneta. Na e casnan a confisca droga, placa y arma di candela.
Na Sero Alejandro a confisca un auto marca Mitsubishi modelo Galant numera A-7280.
A detene tres hende muhe di inicialnan S.C.S.St.J.A. naci na Aruba di 29 aña di edad, S.T.C. vd L. naci na Aruba di 31 aña y
S.H.S. naci na Aruba di 64 aña di edad.
Durante razzia na ambos cas a confisca un cantidad basta considerabel di cocaina, marihuana y placa cash. Na e cas na Rooi Kochi a confisca un revolver tambe.
Pa polis por resolve mas caso, cooperacion y informacion di pueblo di Aruba ta hopi importante. Pesey ta pidi si bo tin cualkier informacion, yama tiplijn di Polis na 11141. Ta garantisa cu bo ta keda anonimo.
