Tabata alrededor di 10:45 pm ora cu polis a presenta n’un cas na Wayaca pa un situacion straño. Ta trata di un bendedo di droga, cu a bira agresivo ora cu cliente cu debe sen no kier a pag’e. El a lock e auto y no a laga cliente baha, pues casi por conclui cu el a want’e contra di su boluntad.
Polis a presenta y a intermedia entre e partidonan. Na final a logra yega na un acuerdo pa e cliente paga pa e droga cu el a cumpra riba credito. Na final polis a duna e cliente un lift pa cas, mirando cu tabatin basta articulo personal den e bendedo di droga su auto.
