E ta un evento cu ta tuma luga anualmente riba e ultimo diadomingo di november. FUNARI un biaha mas a organisa nan bazaar di Pasco. Aki ta caminda cu ta bende productonan completamente recicla, cuminda, mata y cos di bebe.
E clientenan di FUNARI hunto cu e ekipo organisado ta parti di henter e proceso pa organisa e evento. Branda Rasmijn-Maduro ta coordinado di actividad na FUNARI. El a conta cu e clientenan ta percura pa sponsor, trabounan necesario y mucho mas.
E tin un meta su tras tambe, Brenda a comenta. Tur esaki ta pa siña e cliente cu nan por ta autonomo y no tin depende di ningun persona pa ehecuta locual tin deseo p’e.
Aguinaldo a deleita e publico presente. E evento tabata uno exitoso. Tabatin bendemento di mata, cuminda manera pastechi, cheeseballs, croket, sopi, bolo y mucho mas. E meta e aña aki ta pa yega na fondo pa por yuda e cliente pa yega na e medio auxiliar.
No solamente na FUNARI sino na cas. Nan ta purba pa stimula e cliente pa haci mas cu e por pa su mes en bes di depende riba famia.
