Na waf di Playa tin un barco mara, unda cu tin un situacion inhumano y peligroso ta tumando luga. Ta trata di e barco Ryan Leet cu ta mara na e pier pa mas of menos un aña. Na momento cu e barco aki a yega Aruba, hopi a kere cu ta un trabou di exploracion el a bin haci, e ta un barco tipo tugboat cu ta nabega bou bandera di e pais di Panama.
Riba e barco aki tin dies pa diesun marino, entre nan tin e capitan. E hendenan aki no por move cu e barco y esaki ta pa motibo di tin problema di motor. Te na e momentonan aki no por drecha e motor. E problema di mas cu e barco aki, ta cu e siman aki a perde generator. Pero tambe tin hopi cos ta pasando, pasobra e hendenan riba e barco no ta cobrando un salario. Por biba cu esey, pero e cos di mas importante ta cu nan no tin awa, no tin cuminda.
Esunnan riba e barco a acerca 24ORA pa miedo cu doñonan cu no ta duna oido pa salario, pa awa, pa cuminda. Nan no por baña, no por haci uzo di baño pa falta di awa. Tambe nan no por drumi den e barco pa falta di coriente. Henter e planta di coriente a bay plat y nan tin di saca corchon pa pone riba dek.
Pa mas informacion lesa Trempan.
