Awe ta dia 14 di november, Dia Mundial di Diabetes y e Praktijk Ondersteursnan (POH) di Wit Gele Kruis tabata tin su Drive Thru tanto na San Nicolas na Paradera. E tabata di 8’or pa 12’or.
Segun Jasmira Mora, coordinador di POH, ya for di 7’or di mainta tabata tin hende para ta warda pa test tanto nan sucu como nan colesterol.
Dado momento el a bira basta druk. A haci mas cu 100 test na San Nicolas y na Paradera, tur test a caba ya prome cu 12’or.
Por bisa cu e evento aki tabata uno exitoso. E ta hopi bon y esey tabata e meta. Ta spera cu e accion aki por a gara tambe hopi hende cu si nan sucu tabata halto cu por manda nan na nan dokter di cas, pa asina ataca e problema for di cuminsamento y no warda pa ora e sucu ta mas pio.
Den e grupo nan tin di evalua cu e manera cu a haci’e, a bay hopi bon. Por a ripara cu e reaccion tabata bon y satisfactorio.
Sigur pa otro aña mester por haci’e mas biaha den un aña. Pa haci e chekeo aki no tabata uno barata. Danki na e sponsornan, a yuda Wit Gele Kruis cu por a haci Drive Thrunan aki posibel. Ta spera di por a yuda mas tanto e pashentnan y conscientisa nan cu no tur ora cu no sinti nada, e sucu no ta halto.
Ta spera un y tur na un proximo evento di e POHnan.
