Riba un dia manera awe asina, dia 1 di juni, pero 30 aña pasa, esta na aña 1991, e radio emisora Galactica 99.9 FM a bay den aire pa prome bes den forma oficial. E tempo ey su studio tabata situa den John G. Emanstraat # 120-A den centro di Oranjestad. Awendia nan ta situa den Judra Building, na Macapruimstraat # 1-I na Dakota. E number di telefon pa yama y manda saludos ta +297-5882534.
Entretanto ta hopi cara conoci y personahe den media awe, a pasa den e scol di Radio Galactica pa e ultimo decadanan. E radio ta keto bay ofreciendo bon musica, entretenimiento, informacion y noticia durante 24 ora pa dia.
Fundado di e radio tabata defunto Modesto Oduber jr. cu semper tabatin e soño aki. Awendia su yiu muhe, Arleen Arends-Oduber, ta na cabes di e operacion diario di Radio Galactica 99.9 FM hunto cu Simon Arends.
Awe nan ta yama danki na tur oyente, comerciante y tur cu ta sigui aporta na Radio Galactica 99.9 FM. Na tur locutor cu a y ta formando parti di GFM y danki na abo…oyente! Ta priminti di sigui duna empuhe pa sigui brinda programacion di calidad halto.