Hermana isla Corsou ta den pleno eleccion despues cu na Hulanda esaki a tuma luga diaranson ultimo. Na Madre Patria un biaha mas VVD a sali e partido mas grandi.
Eleccion a tuma luga cu tur e medidanan di nan Departamento di Salud. A pesar di e medidanan, a constata cu te den oranan di merdia pa atardi mas cu 50% di esnan registra a deposita nan voto. Debi na e protocolnan mes, na diferente urna a topa cu fila poco largo.
E fila largo, debi na e medidanan di protocol, e ciudadanonan ta haya cu por a evita, si a pone mas lokaal disponibel. Awe tin caminda mester a warda entre 45 minuut y un ora prome cu por a deposita nan voto.
Riba caya mes, segun e votadonan, no tabatin trafico druk, manera cu lo por a spera, manera antes.
E politiconan tambe tabata mustra hopi positivismo y tur ta pensa cu nan lo bolbe y esnan cu no tin representacion ainda den parlamento a mustra e siguransa cu e biaha aki si nan ta aden, manera Democraat cu a spera di por haya e confiansa di pueblo.
Otro manera Un Kambio pa Korsou a debuta den eleccionnan parlamentarionan di Korsou, lidera pa Raichel Sint Jacoba. El a expresa cu e ta kere fielmente cu pueblo lo duna nan como hoben un chens. Nan ta concentra riba Enseñansa pa baha criminalidad.
