Parlamentario Michael Lampe (AVP) despues di a pasa den mas cu un situacion dificil den su bida, ta bek na Aruba y cla pa traha pa yuda Aruba sali di e retonan cu ta pasando aden.
Lampe hunto cu su señora mester a biaha cu nan baby den forma urgente pa Hulanda. Ya caba den bariga a constata cu e tin problema cu su riñonnan pa cual a informa cu asina cu e nace mester bay Hulanda.
Pero aya Lampe den e situacion personal dificil cu e tabata pasando aden, a bira malo di COVID-19 y debi na su condicion medico, esaki a haci e situacion mas dificil p’e. “Tabata tres siman di lucha, pero mi a logra recupera. Nos ta contento di ta bek despues di simannan largo di un situacion dificil. Trabounan grandi a wordo haci p’e.”
El a splica cu nan a pasa algun luna na Hulanda sperando pa nan baby caba cu e tratamento cu a resulta exitoso y awo e riñonnan ta trahando bon. E ta suficientemente recupera cu dokternan a duna autorisacion pa henter e famia por a biaha pa Aruba.
E Parlamentario ta agradeci na tur esnan cu tabata manda mensahe positivo. Tanto esnan cu nan conoce y no conoce. E tempo cu e tabata malo, a pone reflexiona hopi riba loke cada persona ta nifica pa otro y pensa con por yuda otro miho den e temponan dificil aki. “Cosnan por bira miho.”
E ta cla y comprometi pa sigui traha pa Aruba. Ta pasando den temponan dificil y mester pa trabou sigui awo.
