Cu un grupo grandi di boluntario, partido AVP a reparti saconan pa tene Aruba limpi riba e ruta di Lighting Parade. Por a mira caranan nobo den partido AVP y su halanan di conseho tambe hopi activo cu e lider di partido den e accion aki, manera Wendrick Cicilia, Giovanni Christiaans, Clifford Heyliger, Dennerich Kelly y Frits de Palm.
E boluntarionan berde a yega den un bus yen na haltura di Banco di Caribe cu vest berde cu e inscripcion “Think Common Good”, e tema di bon comun cu e partido berde ta enfocando masha hopi mes.
For di eynan e boluntarionan a cana henter e ruta di Vondelaan y L. G. Smith Boulevard repartiendo saconan pa tene Aruba limpi.
Nan tabata compaña pa un pick-up cu musica, refreso y tambe e saconan, p’asina den un forma bon plania, organisa y structura a cumpli cu un proposito bunita pa comunidad, den espirito di e BON COMUN.
