Prensa na Hulanda a bolbe haya un golpi fuerte ora cu anuncio a drenta cerca autoridad a base di inteligencia cu a bin ta realidad, despues di Peter R. de Vries, periodista investigativo na Hulanda, cu lo por bay tin un atentado cu lo bay tin un atentado na studio di RTL Boulevard situa den Leidse Plein na Amsterdam.
Segun nos coresponsal na Hulanda, Godfried Adem, mesora autoridad policial a duna redaccion y gerencia di e planta di television RTL4 di conoce, a para tur transmision for di e studio na Leidse Plein pa loke ta parti anochi.
Pa loke ta conoci, Peter R. de Vries, pa loke ta casonan criminal, tabata forma parti di e redaccion aki y tabata un presentado casi tur dia. For di eynan el a sali diamars ultimo despues di transmision, banda di 7:30 pm, a tira contra dje den un atentado.
Autoridad policial na e sitio, dos helicopter di polis, uno di arestatie team y cuerpo policial regular di Amsterdam, ta circulando rond di Amsterdam. Autoridad ta den un estado di alerta formal pa e caso aki.
Si e personanan aki cu kier comete atentado contra prensa, contra di libertad y derecho cu un persona tin den un pais democratico no logra na RTL 4, nan no sa cua ta e siguiente porta cu nan por bati na dje y comete atentado.
Tur indicacion ta cu for di prizon, esunnan cu ta meti cu e caso Marengo, cu ta Ruhad Tahid y su consorcionan, lo ta busca manera di comete mas daño na Hulanda.
E forma con a acerca y atenta contra Peter R. de Vries, den dia cla, atardi dilanti tur hende, caminda tabatin hopi camara, ta duna di conoce cu e persona aki ta sin escrupulo.
