Diadomingo atardi, pa mas of menos 1:15 pm, a tuma luga un accidente na e crusada di Caya Juancho Kock y Pampunastraat na Dakota.
Polis a sali cu urgencia pa asina pone nan mes na altura di e situacion. Parce cu un Nissan Sentra cu tabata moviendo den Pampunastraat, bayendo direccion di e centro di bario, no a duna un Toyota Altezza color preto, coriendo den Caya Juancho Kock preferencia. E dos autonan aki a dal fuertemente contra otro y ambos auto a caba basta leu for di unda e impacto a tuma luga. Tabatin basta glas y piesa benta riba caminda.
Chauffeur di e Sentra a bisa cu el a presta e auto y mientras cu e tabata coriendo, e Altezza tabata biniendo hopi duro.
Chauffeur di ambos auto tabata canando rond y no tabata mustra cu nan tabata herida. Asina mes personal di ambulance a prefera pa haci un chekeo medico pa mira si nan por tin sla interno.
Daño material ta considerabel. Ningun di e dos autonan por a sigui core.