Diahuebs atardi redaccion di 24ora.com a ricibi varios yamada for di diferente automobilista y habitante, informando cu dilanti Centr’i Bario Lago Height tin un plas grandi di awa. No a pens’e dos biaha y a mobilisa mesora pa mira e situacion.
Berdad, dilanti e centro tabatin un plas grandi di awa. Aki ta caminda cu e sistema di riool tabata geplug, pa cual ta hacie dificil pa e awa por sigui pa su destinacion. A haci un yamada mesora na e instancianan concerni pa tira un bista riba e situacion aki. Durante dia awa a yobe pa cual a causa cu basta awa a keda para. Ta spera cu pronto por mira un solucion pa e situacion aki na Lago Heights.
