Diasabra, algo pasa di 11’or y 15 di mainta, polis ta bay na altura di House of Cheng pa un auto cu lo a bolter. Na e sitio, polis ta bin topa cu un Chevrolet color blanco gebolter y e palo di luz kibra.
Na momento cu nan a bay atende cu e chauffeur, pa nan sorpresa tabata un colega di nan. El a conta cu el a caba di traha nachtdienst y e tabata na caminda pa strandpolitie pa busca un papel, ora cu na caminda, e lo a pega soño, a baha caminda y a dal riba e palo di luz, pa despues bolter.
Auto ta paga na caminda y ta bolter banda di House of Cheng
Auto ta paga na caminda y ta bolter banda di House of Cheng
https://24ora.tv/2PxtJTVPosted by 24ora on Saturday, August 31, 2019
E chauffeur a haya algun rasca na su cara, pero no tabata kier asistencia medico. Daño causa na e palo di luz y na e auto tabata considerabel. Mientras cu takelwagen a presenta pa pone e auto bek riba su cuater wielnan y bay cun’e, polis tabata tuma tur dato di loke a sosode.
