Diadomingo, pa mas of menos 5’or y mey di marduga, patruya di Playa a ser dirigi riba e caminda na altura di Guardian Group, caminda lo tabata tin un auto cu lo a bolter. Mesora e patruya a dirigi nan mes na e sitio menciona y aki a bin topa cu un Ford Ranger color oro, numera A-26182. Na yegada di patruya enberdad a bin topa cu un e pickup pega cu e palo di luz. Polis a bay atende cu e chauffeur di e pickup aki, kende ta conta polis cu e tabata biniendo for di zuid bayendo nort, di un of otro manera a perde control, a bolter y pa despues bay pega na un di palo di luz. Afortunadamente ningun hende a resulta herida, pero daño material tabata bastante grandi. Pa colmo e pickup su papelnan ningun di nan no tabata na ordo. E pickup a keda banda di caminda.
