Diasabra, pa mas of menos 4’or y 20 di marduga, polis a presenta na e rotonde di Noord, caminda cu lo tabata tin un accidente.
Akinan un Hyundai Santa Fe, numera A-56024, biniendo for di Boegoeroei, bayendo direccion Noord, riba un velocidad basta halto, lo a perde control y a pasa riba e rotonde di Noord na altura di MFA.
Segun e chauffeur, el a purba di brake, pero esaki no a wanta y a subi e rotonde net na momento cu un Altezza color shinishi, numera A-37521 tabata pasando y a dal den esaki.
No tabata tin herido. Polis a haci test di alcohol cu ambos chauffeur y a detene esun di e Hyunday, mirando cu el a surpasa e limite di alcohol. Transportwagen a hiba e chauffeur warda.