Diabierna despues di 11:00PM a pasa un accidente basta fuerta riba caminda di Gasparito na Noord caminda cu un auto maneha pa un dama ta perde control y causa basta daño.
Segun por a compronde e vehiculo tabata biniendo cu velocidad basta halto, a perde control den e birada banda di Buccaneer Restuarant, a dal den cura di un cas y despues bay dal y pega den un baki di suchi grandi di Ecotech.
![](https://24ora.com/wp-content/uploads/2020/07/WhatsApp-Image-2020-07-25-at-1.49.16-AM-1-1.jpeg)
Den e vehiculo tabata tin dos persona di cual un di nan a resulta basta herida. Mes ora a pidi presencia di ambulance na sitio cu a transport’e pa Hospital. Mientrastanto na sitio a detene e otro dama cu segun por a compronde lo tabata esun manehando. A trasnport’e cu dogcatcher pa warda di Shaba.