Diamars marduga alrededor di 12:15 am a sosode un accidente na e crusada di Emmastraat cu Avenida Alo Tromp. E scooter tabata biniendo riba Emmastraat ora cu un Nissan March a lora den verboden for di Avenida Alo Tromp y dal frontal contra di dje.
E motociclista a resulta herida, pa cual tabata keha di basta dolor na lomba. Daño material na e scooter tabata considerabel. E March despues di ocasiona accidente a bandona sitio luz paga y laga e motociclista herida benta riba caminda atras.
Polis a cuminsa cu un buskeda den e area pero no a topa cu e March. Na final, ambulance a presenta na sitio pa brinda atencion medico na e motociclista herida.
