E pregunta ta: Kico ta e problema cu ainda chauffeurnan ta causa accidente diariamente na e crusada di Palm Beach. Dialuna mainta tabatin un otro accidente mainta tempran cu no tabatin daño personal pero si hopi daño material.
E accidente aki a sosode pa 8’or di mainta net na e crusada aki, unda cu e luznan di trafico no ta den funcion. Pa yuda e automobilistanan, DOW a pone un cantidad di baricada cu borchinan di indicacion di kico e chauffeurnan mester haci. Pero asina mes e accidente aki a tuma luga.
Un Kia Rio color preto coriendo riba Avenida Nelson Oduber, na ultimo ora a brake yegando na e crusada y a perde control bay dal den un poste di e luz di trafico. E daño tabata basta. A atende e chauffeur pa ta cauteloso riba caretera.
