Diaranson merdia a tuma luga un accidente, unda un auto a dal un mucha muhe cu tabata riba bais. Esaki a pasa den Goletstraat.
E chauffeur di e auto Hyundai Tucson color blauw ta mustra un persona di edad y hunto cu ne tabatin un mucha. E mucha muhe tabata riba su bais na momento cu e Hyundai Tucson a alcans’e. E chauffeur a baha for di auto pa mira si tur cos ta bon cu e mucha, kende den su spanto a contesta cu si. Despues di esey e chauffeur a bandona sitio.
E hobencita a bay su cas tur angustia di e incidente. E mayor a scucha kico a pasa, pero a dicidi di hiba e mucha hospital pa motibo di tabatin golpi na su curpa. Tambe el a ripara cu e mucha no tabatin forsa den su pia pa para y cana bon.
E mayor a bay polis como Forensys pa entrega un declaracion di e incidente. E mayor ta pidi e persona cu a dal e mucha muhe den Goletstraat pa tuma contacto cu nan na 560-3710.
