Diaranson mainta pasa di 8:00 am un motociclista bayendo trabou a accidenta riba e rotonde, pega cu Dadelstraat y Caya Betico Croes. Debi cu e trafico cu a pega, a pone cu un unidad di polis den area, a actua mesora y bin controla kico tabata pasando.
A topa e motociclista benta riba caminda un banda y e Harley Davidson e otro banda. A pidi ambulance pa presenta mesora pasobra e tabata herida cu sla y rasca na man y cara. Polis a atende cu e chauffeur di e auto (Honda blanco) cu no tabata herida.
Su papelnan tabata na ordo. E chauffeur cu su Honda SUV no a mira e motociclista y a dal’e net ora e tabata cla pa sali di rotonde subiendo Dadelstraat. Famia tambe a yega na e sitio y a move e proceso di yudansa pa nan ser keri, cu tabata benta riba rotonde despues di e impacto.
