Ayera nochi pa 9:30pm un auto a alcansa un cacho na Rooi Kochi. Doño di e cacho a rabia hopi cu e chauffeur. Riba e caminda di Sero Alejandro, un tiki pariba di “Old Aloe Huis”, a topa un auto shinishi marca KIA para band’i caminda. E chauffeur a splica polis kico a pasa y a mustra nan e daño cu e cacho a causa na e bumper parti dilanti di su auto.
Polis a intermedia y a tuma datos di ambos partido pa asina e doño di e auto KIA tin caminda di cana pa haya su daño cubri. E chauffeur di e KIA mes a splica cu e tabata coriendo direccion pabou, ora diripiente 2 cacho a core crusa su dilanti y cu e no por a evita e impacto y a dal e ultimo cacho su dilanti.
E chauffeur a laga sa cu aunke na un banda tin e ley di cacho cu a drenta na vigor, pero cu asina mes, pa via di un cacho cu no a wordo teni paden di cura, a hay’e den gasto inespera.
