E dianan aki e sistema di Douane ta down. Esey a trece un problema serio pa importadornan por a saca container pa e clientenan. Mercancia cu ainda mester bende prome cu pasco por a keda riba waf si no a move shelo y tera. Ora cu e importadornan a mira e problema ta bin, nan mes a cuminsa busca contacto mesora cu esnan encarga cu Cuerpo di Douane. A yama e director y director interino. Tanto Ricky Croes como Corine Cabenda a wordo yama. Parce nan ta cu vakantie pero a busca manera di Alivia e problema pa e container wordo saca. Minister Xiomara Maduro tambe a wordo notifica. Asina finalmente a duna esnan cu mester a saca container via e Sistema FIAT. Ta laga tur mercancia cu tin urgencia prome cu pasco sali. Djey ora tin Sistema bek ta zorg pa regla cu e importadornan. Dimes e control di Douane lo sigui. Lo zorg pa tin personal di Douane trahando hasta riba diasabra pa asina garantiza cu e servicio wordo duna. E coperacion tabata complete di tur banda pa asina comerciantenan tin nan cosnan pa bende prome cu dianan di fiesta. Douane, Minister y Comerciantenan cu Importadornan a traha hunto y awe tur cos ta bayendo normal aunke e Sistema di Douane ta plat.
