Un rato pasa, pa aproximadamente 10:20 AM ta socode un accidente cu tres persona herida na e crusada di Palm Beach. Un biaha mas por a tuma nota cu e luznan di trafico na e crusada aki no ta den servicio cu ta haci e risico di accidente hopi mas halto.
Ta conoci cu e crusada aki ta uno peligroso y cu automibilista na varios ocacion a pidi pa drecha e luznan di trafico of bin cu alternativa pa desminui e chens di accidente na e crusada. Por a corda tambe cu algun tempo atras e crusada tabata cera di un forma cu no por a crusa entre e caretera pero mas bien mester a pasa full rond pa yega e area desea.
Awe mainta lamentablemente ta socode un biaha mas un accidente na e crusada aki. E biaha aki entre un v-car ( KIA picanto color shinishi ) cu dos ocupante y un pickup ( Isuzu color blanco ) cu un ocupante.
Informacion na sitio cu a ricibi ta cu e pickup lo tabata biniendo riba Avenida Nelson Oduber direccion noord mientras e v-car tabata biniendo for di wendy’s cu intencion di crusa e caretera direccion area di hotel. Na momento cu a yega e crusada e v-car no a duna preferencia cu e consecuencia lamentabel.
![](https://24ora.com/wp-content/uploads/2020/08/WhatsApp-Image-2020-08-05-at-10.32.42-AM.jpeg)
Ocupantenan di ambos vehiculo a keda herida. Tin cu bisa cu den e v-car e pareha tabata hopi herida cu basta sanger na curpa. Y e chauffer di e pickup tambe tabata herida. Polis y ambulance a presenta na sitio pa asina cera e area y brinda asistencia na e victimanan di e accidente.