Riba diahuebs 22 di maart, ATIA una bes mas ta invita tur su miembronan pa e Reunion General di Miembro. Durante e reunion aki, lo repasa anja 2017, e estado financiero y tambe lo vota pa e miembronan di hunta di ATIA.
Manera ta e caso algun anja caba, e parti oficial lo wordo sigi pa un presentacion riba un tema cu ta al caso. E anja aki, ATIA tin e honor di ricibi Prome Minister Evelyn Wever-Croes, cu lo presenta e vision economico pa Aruba pa e anjanan venidero. ATIA ta orguyoso di por ofrese e presentacion aki na su miembronan y ta gradici Prome Minister Wever-Croes pa acepta e invitacion aki.
E reunion lo cuminsa cuator y mei di atardi na Surfside Marina y lo conclui cu e presentacion, sigi pa un Networking Cocktail. ATIA ta invita tur su miembronan pa tuma contacto cu ATIA pa mas informacion of pa registra via [email protected].
