Presidente di ATIA, Herrick Henriquez, den nomber di gremio comercial, a manda un carta caminda cu ta indica cu loke Prome Minister, Evelyn Wever-Croes a bisa durante di e conferencia di prensa di gobierno, encuanto e Level Playing Field, no ta uno corecto.
Un biaha mas, Henriquez a enfatisa cu e carta firma tabata un declaracion firma pa haci un estudio con por yega na un solucion pa no hisa e BBO. Den e declaracion nan a pidi pa Gobierno no tuma un decision ainda, te ora cu nan duna nan recomendacionnan. Pero Gobierno na su turno a bira hisa e BBO cu 1%. E ora por bisa cu e recomendacion no t’ey mas.
E idea di BBO na frontera cu nan tabata na fabor di dje, tabata cu ta laga e BBO na 6% manera cu e ta. Esey ta un parti importante.
Tambe Henriquez a bisa cu nan a haya un carta di Prome Minister, mr. Evelyn Wever-Croes y proximamente nan lo bay duna e mandatario un contesta riba esaki tambe.
