Aruba Tourism Authority (ATA) ta den ful swing cu su debido preparacion manera tur aña
cu Soul Beach ta cu nos. Ta papiando cu un experiencia di mas cu 20 aña cu e evento ta bin Aruba y tur aña ta conta di hopi sosten di varios sponsor y partners den e reto aki. E ta hopi interesante pa tur aña wak cu ainda tin sponsor y hende cu kier patronisa e evento aki den nan mesun manera, pa bin acerca y sostene e evento grandi aki.
Ta sperando mas o menos shete mil hende (turista) pa bini e evento aki na Aruba cual ta consisti di e concierto y diferente fiesta. Bo tin e comedy nights tambe y hopi cos andando cu e publico cu ta bin ta disfruta di dje, hunto cu nos hendenan local tambe cu ta conta cu un spectaculo grandi.
Mark Adkins ta e organisado di Soul Beah Music Festival. E ta conta con nan kier a trece artista internacional Mariah Carrey den 2020 pero esaki no a sosode pa via di e pandemia. E ultimo dos aña Mariah Carrey no tabata riba tour dus tabata tin miedo cu no lo hay’e pero a logra di haya Mariah pa bira un di e headliners e aña aki. Den combinacion cu Boys II Men ta haci esaki algo hopi mas special tambe.
Ta sperando hende for di Merca y tambe den region di sur America tambe. “Dus nos ta sperando di por mira algo special, e ta bay ta un explosion,” segun Adkins. Soul Beach y Aruba ta birando un tipo di ‘buzz’ aworaki segun Adkins na diferente parti di Merca y tin DJs grandi cu constantemente ta tuma contacto cu Adkins pa check con por join Soul Beach pa experiencia esaki tambe.
“E aña aki e fin di siman di Soul Beach lo ta monumental. Hende mester un rato pa por tin un break di tur e cosnan loco di mundo, tuma un siman pa relaha y pasa bon cu famia y amistad. Nos ta warda bo pa join nos.”
Soul Beach Music Festival lo tuma luga riba 22 di mei te cu 27 di mei. Pa mas informacion por email riba [email protected] of bishita nan website soulbeach.com y sigui nan riba Facebook: Soul Beach Music Festival.
