Segun resumen di awe 428 persona a recupera y e registra un total di 912 caso nobo di COVID-19, di cual 108 ta no-residente. E cifranan aki ta representa un ‘Positivity rate’ bou di nos residentenan di 61%. E cantidad di caso activo di COVID-19 pa awe ta 4756 y cantidad di fayecido relaciona cu COVID-19 ta 181. Dato ta ilustra caso nobo di COVID cu un averahe semanal di 812 caso pa dia y un averahe di ‘positivity rate’ semanal di 63% pa dia.
Actualmente na Aruba tin 24 persona interna contagia cu COVID-19 di cual den ICU tin tres persona y riba piso general tin 21. Na Colombia tin actualmente tres persona den ICU y ninguno (0) riba piso general.
