Durante yobidanan pisa, tin hopi area cu ta inunda pero tambe casnan. Ayudo sa tarda pa yega cerca e ciudadanonan pa motibo di falta di ekipo. Den futuro lo no tin e problema aki mas, mirando cu Aruba ta haya algun ekipo regalo for di Hulanda. Corsou tambe a bini na remarca pa esaki.
Instituut voor Publieke Veiligeid (NIPV) e siman cu a pasa a entrega na Brandweer di Marina tres pomp mobil pa casonan di emergencia. E ekipo aki ta diseña pa atende cu presencia excesivo di awa. Pronto lo manda e material aki pa e kazernenan di marina riba e islanan.
E containernan HCP no solamente ta destina pa uza den e kazernenan di marina, pero tambe nan ta disponibel pa e departamentonan local di Brandweer den casonan di inundacion. Nan ta specialmente diseña pa uza den temporada di yobida ora cu haya problema cu awa. Den forma rapido por pomp un cantidad grandi di awa y ofrece di e manera aki un solucion rapido den tempo di emergencia.
E tipo di cooperacion aki ta percura cu no solamente tin e materialnan, pero tambe e conocemento pa reacciona di forma efectivo den situacionnan di emergencia.
E pompnan di emergencia tambe ta forma parti di un pakete mas amplio do ekiponan di ayudo. E material ta reforsa e capacidad di e cuerponan local di Brandweer pa garantisa e siguridad na e kazernenan, sin cu mester di personal extra di afo.
