Aruba ta bay participa den Caribbean Football Union (CFU) Boys U15 & Girls U14 na Republica Dominicana. E seleccion a biaha trempan p’asina por bay representa Aruba. Ta un momento historico cu Aruba ta manda seleccion U14 den dama.
Dyane Wiersma, team manager di seleccion Damas U14, a indica cu ta un momento historico pasobra ta prome biaha ta manda un team di U14 pa representa Aruba den exterior. E competencia cu nan ta bay participa na dje ta organisa pa Caribbean Football Union. Esaki ta un competencia di desaroyo y no ta na nivel di Concacaf cu FIFA. Desde mei nan ta train tres biaha pa siman, pero e ultimo weekend nan a tene un momento di teambuilding cu e muchanan muhe.
E seleccion di mucha homber tin un aña caba ta den preparacion n’e academia cu ta consisti di 25 mucha. Awo e seleccion nacional di U15 ta biahando cu diesocho y ora di bin bek e academia ta sigui. E shete muchanan cu a cay afo ta join bek training y p’e siguiente biahe nan por ta hunto cu e team aki, David Abdul, team manager di seleccion masculino U15, a bisa.
Awo cu tin e academia e nivel di futbol ta miho ya cu nan ta train hopi mas biaha cu otro. Esey ta haci cu nan ta comprende otro riba tereno, nan ta echt un team. Abdul a expresa cu normalmente tres pa cuater siman prome ta busca e muchanan, pero awo por mira cu nan ta mas hunto. Nan tin casi un aña ta train hunto y por mira esey den resultado.
Pa cobertura mas amplio, lesa e edicion di TREMPAN mañan.
