E fin di siman aki ta tuma luga na Pereira, Colombia e “5ta Valida Internacional de Equitacion” y Aruba lo ta presente cu un delegacion di cuater atleta.
E competencia na Pereira ta importante y ta atrae hopi atleta prominente di equitacion. E ta un bon escenario pa nos atletanan midi nan forsa entre tanto participante.
Alabes e federacion Colombiano di cabaynan di paso, Fedequinas a otorga pa e hues di Aruba, Juan Zuleta participa como hues oyente na e tres dianan di feria, esta diabierna, diasabra y diadomingo.
Pa Juan e lo ta un gran oportunidad pa practica su habilidad di hues riba un escenario asina grandi. Juan ta e unico hues cu Aruba tin y e lo funciona tambe den e feria Mundial den representacion di Aruba.