Durante e conferencia diabierna anochi a hiba palabra di Minister di Saslud Publico y Turismo Dangui Oduber durante cual el a menciona cu Gobierno y un comision instala ta evaluando y preparando pa un reapertura di Aruba su fronteranan. Esaki probablemente pa luna di juli.
E tabata compaña pa Ronella Tjin Asjoe, directora di ATA.
E mandatario a papia di e prome siman di flexibilisa e medidanan y a cuminsa habri e economia mas. Te aworaki e strategia cu Gobierno a bini cu ne ta dunando resultado. Tur cos ta mustra pa dia 15 di juni e economia di Aruba lo ta completamente reactiva, teniendo cuenta cu tur loke ta e desaroyo di Covid-19. Tur cos ta mustra cu e ta bayendo bon pasobra no tabatin ningun transmision local den e ultimo dos simannan, e mandatario a duna di conoce.
Asina el a anuncia tambe cu e fechanan tentativo pa kita lockdown y habri portanan di Aruba ta entre 15 di juni y prome di juli. Esaki ta bini despues cu e economia local ta completamente habri. ATA ta trahando cu diferente sectornan turistico hunto cu Departamento di Salud Publico riba guidelines cu mester pone na vigor ora cu kita lockdown. Aeropuerto su protocol ya caba ta cla.
Prome cu tuma e decision pa habri e frontera, lo tene un conferencia di prensa di con ta ricibi y despedi di esnan cu yega Auba. Tur esaki pa comunidad sinti nan mes trankil. Pero e comunidad mester ta consciente cu e lo no ta manera antes. Antes tabata ricibi 20 mil turista pa siman, pero e lo mira mas o menos 1000 turista pa siman. Esaki ta un fluho cu Aruba por maneha. Tin indicacion cu tin apettito pa bini Aruba cerca aerolinea. Pero hunto mester riba e plan y pa hunto tuma e decision di kita e lockdown.
Aruba tin tres siman pa traha riba e diferente fasenan pa yega na activa e economia completo.
